На адкрыццё крамы «H&M» прыехалі ахоўнікі са Швецыі і Расеі


Як распавёў адзін з прадстаўнікоў каманды, якая займалася адкрыццём «H&M» у Беларусі, гэта сусветная практыка.

Фота: Ірына Арахоўская / Belsat.eu

Сёння, 28 верасня, у Менску адчынілася першая крама «H&M». Хтосьці з пакупнікоў нават ночыў перад дзвярыма, каб апынуцца ў ліку першых і атрымаць грашовыя сертыфікаты на пакупкі – першым тром уручылі сертыфікаты на 300, 250 і 200 рублёў і яшчэ тысяча першых наведвальнікаў атрымала сертыфікаты на 30 рублёў. Перад самым адкрыццём у чарзе стаялі больш за 2 тысячы чалавек! Але пры гэтым шмат хто адзначаў: ніякай цісканіны не было, усё арганізавана вельмі прыстойна.

Hавiны
Больш за 2 тысячы чалавек у чарзе. У Менску адчынілі краму «H&M»
2019.09.28 10:47

Як высветліў Belsat.eu, адбылося гэта таксама дзякуючы таму, што ахоўнікаў кансультавалі спецыялісты з іншых краінаў – са Швецыі і Расеі.

– Адкрыццё [крамы «H&M». – Belsat.eu] у кожнай новай краіне кантралюе нехта з-за мяжы. Напрыклад Украіну кансультавалі спецыялісты з Аўстрыі. Гэта глабальны брэнд і таму ўсё павінна быць на вышэйшым узроўні, – распавёў Belsat.eu адзін з прадстаўнікоў каманды, якая займалася адкрыццём «H&M» у Беларусі.

Фота: Ірына Арахоўская / Belsat.eu

Пазбегнуць цісканіны атрымалася ў тым ліку і праз прафесійную працу аховы. Шведскія і расейскія ахоўнікі праводзілі інструктаж для беларусаў і паказвалі, што нават вялікая чарга можа быць спакойнай і бяспечнай.

– Але боінг аховы, канешне, не везлі, – дадаў суразмоўца.

Ксенія Тарасевіч, фота Ірына Арахоўская Belsat.eu

Hавiны
Псіхолаг: акцыі і зніжкі ў крамах Беларусі набываюць гратэскавыя формы
2019.09.28 13:56
Стужка навінаў