Міністэрства замежных спраў Літвы прапаноўвае даць магчымасць грамадзянам Беларусі атрымліваць бясплатна нацыянальныя візы, піша Delfi. Гаворка ідзе перадусім пра тых, хто зазнае рэпрэсіі ў Беларусі з-за сваіх палітычных поглядаў.
Згодна з праектам, бясплатна нацыянальныя візы літоўскія будуць выдавацца грамадзянамі Беларусі, у выпадку прадстаўлення матываваных заяў пра не збіранні падатковага консульскага збору. Дапамагаць у атрыманні бясплатных візаў могуць няўрадавыя арганізацыі, якія дзейнічаюць у сферы абароны правоў чалавека і дэмакратыі.
«З-за гвалту, які ўжываецца ўладамі Беларусі ў дачыненні да грамадзянаў краіны, у Літву прыбываюць усё больш беларусаў», – гаворыцца ў звароце МЗС да ўрада Літвы. Многія з іх у дадзены момант прыбываюць у Літву, атрымаўшы адмысловы дазвол кіраўніка МУС Літвы ў сувязі з гуманітарнымі прычынамі на падставе Шэнгенскай візай, але каб далей законна заставацца ў Літве, яны павінныя атрымаць доўгатэрміновыя нацыянальныя візы.
МЗС сцвярджае, што да 1 снежня пацярпелыя ад рэжыму беларусы могуць атрымаць бясплатныя нацыянальныя візы ў консульскіх і дыпламатычных прадстаўніцтвах Літвы па рашэнні кіраўніка гэтага прадстаўніцтва.
МЗС Літвы прапаноўвае ўвесці змены з 1 снежня.
АА belsat.eu
