Папулярнаму пісьменніку Андрэю Горвату патэлефанавалі з Міністэрства замежных справаў Беларусі і запэўнілі «у сур’ёзным стаўленні да постаці Кастуся Каліноўскага і гісторыі са знаходкай ягоных парэштак».
Пра гэта пісьменнік напісаў у сваім «Facebookʼу».
29 сакавіка Андрэй Горват напісаў адкрыты ліст да кіраўніка МЗС Беларусі Уладзіміра Макея. У ім пісьменнік выказаў сваю занепакоенасць адсутнасцю цікаўнасці беларускіх дыпламатаў да сенсацыйнай знаходкі на гары Гедзіміна ў Вільні, дзе магчыма былі знойдзеныя парэшткі Кастуся Каліноўскага.
МЗС Беларусі сцвярджае, што «цяпер мы абмяркоўваем з літоўскім бокам магчымасці сумеснай працы для больш дакладнай ідэнтыфікацыі парэшткаў».
Гаворка ідзе пра магчымасць даследавання парэшткаў старэйшага брата Кастуся Каліноўскага, пахаванага на Гарадзеншчыне.
У падрыхтоўцы да пахавання кіраўнікоў паўстання 1863-1864 гадоў, чые парэшткі знайшлі на гары Гедзіміна ў Вільні, засталіся тэхнічныя пытанні. Адкрытым застаецца пытанне, на якіх мовах будзе надпіс на помніку.
ЮВ belsat.eu