МЗС Беларусі атрымала ноту з боку расейскага пасольства


Амбасада Расеі накіравала беларускаму МЗС Беларусі ноту ў справе з высылкай Ганнай Красулінай. Амбасада адзначае, што расейскі бок разглядае Красуліну не як палітычную дзяячку, а як грамадзянка Расеі, якой амбасада павінна пры неабходнасці аказваць прававую дапамогу.

Супрацоўнікі амбасады сустракаліся з Ганнай Красулінай 26 лістапада пасля таго, як атрымалі яе заяву, паведамляе TUT.BY.

«Мы накіравалі зварот у МЗС з просьбай улічыць усе гуманітарныя абставіны справы Красулінай пры разглядзе заявы аб адмене рашэння аб высылцы», – распавёў прэс-сакратар расейскай амбасады ў Беларусі Аляксей Маскалёў.

У МЗС Беларусі пацвердзілі, што ноту амбасады Расеі атрымалі.

«Гэтае пытанне будзе разглядацца ва ўстаноўленым законам парадку кампетэнтным ведамствам нашай краіны», – адзначылі TUT.BY у прэс-службе МЗС.

Разам з тым Ганна Красуліна падрыхтавала скаргу на рашэнне аб высылцы, якую накіравала ў ГУУС Менгарвыканкаму. Калі там рашэнне аб высылцы не адменяць, прэс-сакратар АГП мае намер звярнуцца ў суд.

«Я абавязкова накірую ў суд позву, калі гарадское УУС не адменіць рашэнне аб высылцы. Улічваючы, што ў мяне сапраўды ўсё тут – і дом, і сям’я, і ​​бацькі – і ехаць мне няма куды, мне трэба час, каб знайсці месца, дзе я магла б правесці гэты год. Зберажэнняў у мяне няма, мне трэба будзе працаваць – каб, па-першае, проста было, на што жыць, а па-другое, мне хацелася б за гэты год атрымаць новы досвед і веды, якія былі б карысныя ў будучыні не толькі мне, але і Абʼяднанай грамадзянскай партыі, прэс-сакратаром якой я працую», – распавяла Ганна Красуліна.

Ганна Красуліна будзе змагацца за права застацца ў Беларусі. Актывістка напісала ў амбасаду Расеі

СК, belsat.eu

Глядзі таксама
Каментары