МЗС: Беларусь хоча «поўнай» нармалізацыі стасункаў з ЕЗ, але на раўнапраўнай аснове
Адносіны неабходна выбудоўваць на раўнапраўнай партнёрскай аснове, заявіў прэс-сакратар МЗС Беларусі Дзмітрый Мірончык 27 кастрычніка, каментуючы слуханні па Беларусі ў Еўрапарламенце.
«З нашага пункту гледжання, паказальным стала тое, што разам з традыцыйнымі крытычнымі заявамі і каментарамі прагучалі і некаторыя пазітыўныя ацэнкі развіцця грамадска-палітычнага жыцця нашай краіны, а таксама ўзгадавалася дасягненне пэўнага прагрэсу ў развіцці стасункаў паміж Беларуссю і Еўразвязам», – сказаў Мірончык.
- Тытарчук: «Беларусь у Еўразвязе – траянскі конь Масквы»
- Макей: Беларусь ніякай пагрозы і небяспекі Польшчы не нясе
- Макей у Варшаве: Мы хочам пазбавіцца моцнай залежнасці ад Расеі
Прадстаўнік МЗС выказаў надзею, што рэзалюцыя па Беларусі, якую Еўрапарламент плануе прыняць у лістападзе, будзе ўлічваць падыходы краіны, накіраваныя на поўную нармалізацыю адносінаў з Еўразвязам і развіццё добрасуседскага дыялогу. «Выказваем надзею, што яна будзе насіць збалансаваны і канструктыўны характар», – падкрэсліў прэс-сакратар.
26 кастрычніка слуханнях у Еўрапарламенце абмяркоўвалі сітуацыю ў Беларусі пасля парламенцкіх выбараў і пытанні бяспекі падчас будаўніцтва АЭС пад Астраўцом.
