48-гадовы жыхар вёскі Лаздуны-2 на выходных пасварыўся са зводным братам і пабіў яго драўлянай швабрай. Ад траўмаў пацярпелы памер у шпіталі.
Спрэчка паміж братамі адбывалася нападпітку. Старэйшы на 17 гадоў жыхар вёскі Лаздуны-2 схапіў драўляную швабру і пачаў калаціць ёй малодшага брата па галаве. Пацярпелы атрымаў цяжкія пашкоджанні, ад якіх памёр у шпіталі, як паведамляе УУС Горадзенскай вобласці.
Супраць зламысніка распачатая крымінальная справа па артыкуле 147 Крымінальнага кодэксу за наўмыснае прынясенне цяжкіх пашкоджанняў, якія пацягнулі смерць. Яму пагражае да 15 гадоў зняволення.
ВЧ, belsat.eu