Вокладку кастрычніцкага нумару самага папулярнага ў свеце мужчынскага часопісу ўпрыгожыць 22-гадовая журналістка і мадэль Нур Тагауры.
Летась Playboy змяніў рэдакцыйную палітыку і спыніў публікацыю здымкаў цалкам аголеных жанчын. Дзяўчына будзе апранутая ў скураную куртку, майку, джынсы, кеды і хіджаб.
Пра фотасесію журналістка напісала ў свой Instagram.
Нур Тагауры – амерыканка лівійскага паходжання. Playboy абраў яе тварам праекту Renegades-2016, у рамках якога часопіс распавядае гісторыі маладых людзей, «якія рызыкуюць усім і нават уласным жыццём дзеля любімай справы».
Як піша Daily Mail, Нур Тагауры стала першай журналісткай нацыянальнага амерыканскага тэлеканалу, якая зʼявілася на экране ў хіджабе.
Таксама дзяўчына вядомая тым, што выступае з лекцыямі на адукацыйным партале TED, дзе заклікае змагацца са стэрэатыпамі і не саромецца сваёй расавай і рэлігійнай прыналежнасці.
ДР belsat.eu