МУС запрашае ў Музей міліцыі ды прапануе памятны здымак са скандальным гарадавым
Інфармацыя пра экспазіцыю можна прачытаць на сайце ведамства. Музей можна наведаць бясплатна.
У музеі 5 залаў, у якіх можна азнаёміцца з дзейнасцю міліцыі на беларускіх землях у час ВКЛ і Рэчы Паспалітай, Расейскай імперыі, XIX стагоддзя, у 1917–1939 гг., у перыяд Другой сусветнай вайны і з удзелам органаў правапарадку ў аднаўленні разбуранай рэспублікі і ліквідацыі наступстваў аварыі на Чарнобыльскай АЭС. У апошнім зале прэзентавалі сучасную дзейнасць падраздзяленняў Міністэрства ўнутраных справаў.
- Помнік царскаму гарадавому апаганіла група асобаў. Галоўнае цяпер галубоў пільнаваць
- «Прабач мне, танк»: беларусы выбачаюцца перад помнікамі, якія калісьці маглі «абразіць»
Таксама гасцям прапануюць наведаць выставачны павільён міліцэйскай рэтратэхнікі.
Пасля экскурсіі наведнікаў заклікаюць на вуліцу Гарадскі Вал, дзе
«ўстаноўленая скульптурная група «Менскі гарадавы», – удалае месца для памятнага здымку».
Атрымаць каментар у праваахоўнікаў, ці за здымак са скульптураю гарадавога вам не пагражаюць содні, штраф або публічныя прабачэнні, даведацца пакуль не ўдалося. Тэлефон, праз які можна запісацца на экскурсію, маўчыць.
МУС вельмі заўзята ставіцца да гэтай малой архітэктурнай формы.
- За пахавальны вянок да помніка гарадавому актывістаў аштрафавалі
- Хлопец даў поўху помніку гарадавому. Міліцыя яго знайшла і прымусіла выбачацца на камеру
- Актывіста «Моладзі БНФ» аштрафавалі за фота з гарадавым
- За пятлю на шыі гарадавому Вячаславу Касінераву далі штраф Br 115
Днямі акторкі Свабоднага тэатру ў наўпроставым эфіры сацыяльных сетак паспрабавалі пацалаваць скульптуру. Да іх выйшаў міліцыянт і паведаміў, што кранаць гарадавога нельга. Маўляў, загад начальства.
ДР belsat.eu
