Затрыманні на жаночым маршы 26 верасня.
Фота: Аліса Ганчар / Vot-tak.tv / Belsat.eu
Агульная колькасць удзельнікаў акцыяў пратэсту, якія прайшлі напярэдадні ў Беларусі, склала каля 300 чалавек, паведамляе афіцыйны телеграм-канал МУС.
Усяго ў суботу за парушэнне заканадаўства аб масавых мерапрыемствах былі затрыманыя 150 чалавек. Да разгляду ў судзе спраў па адміністрацыйных правапарушэннях у месцы ўтрымання затрыманых змешчаныя 116 асобаў.
Сярод затрыманых таксама журналісткі, якія застаюцца за кратамі.
Паводле відавочцаў і карэспандэнтаў «Белсату» у суботнім жаночым маршы ўзялі ўдзел да тысячы жанчын, брутальныя затрыманні ўдзельніц акцыі пачаліся яшчэ да пачатку маршу.
AA belsat.eu
