МУС пракаментаваў затрыманне Ціханоўскага. Заведзеная крымінальная справа


Следчыя завялі крымінальную справу за гвалт у дачыненні да супрацоўніка ўнутраных спраў, паведамляе Telegram-канал МУС.

МУС паведаміў падрабязнасці затрымання Сяргея Ціханоўскага, якое адбылося ў пятніцу 29 траўня ў Горадні.

«29 траўня ў Горадні на плошчы Савецкай былі затрыманыя асобы, у тым ліку раней судзімыя, якія неаднаразова прыцягваліся да адміністрацыйнай адказнасці, якія ўжылі гвалт у дачыненні да супрацоўнікаў міліцыі Ленінскага РАУС з мэтай супраціву іхнай законнай дзейнасці. Сярод затрыманых – гомельскі блогер Сяргей Ціханоўскі», – гаворыцца ў паведамленні МУС.

Адзначаецца, што два міліцыянты атрымалі цялесныя пашкоджанні рознай ступені цяжкасці і зараз знаходзяцца ў шпіталях. Аднак не ўдакладняецца, у дачыненні да каго заведзеная крымінальная справа.

Абноўлена
У Горадні затрымалі Сяргея Ціханоўскага. Людзі прыйшлі да міліцыі. ВІДЭА
2020.05.29 20:10
  • Сяргей Ціханоўскі і яшчэ 12 чалавек былі затрыманыя 29 траўня ў Горадні падчас збору подпісаў за сваю жонку Святлану Ціханоўскую, якая бярэ ўдзел у прэзідэнцкай кампаніі.
  • Зараз Сяргей знаходзіцца ў Ізалятары часовага ўтрымання Кастрычніцкага раёну Горадні.

КТ belsat.eu

Стужка навінаў