Крымінагенная сітуацыя ў Беларусі сёлета застаецца падкантрольнай, але ў некаторых сферах магчымы рост колькасці злачынстваў. Пра гэта 5 верасня падчас справаздачы кіраўніку Беларусі заявіў міністр унутраных справаў Юрый Караеў.
Кіраўнік МУС заявіў, што ў краіне зніжаецца ўдзельная вага асабліва цяжкіх і цяжкіх злачынстваў, паведамілі ў прэс-службе Аляксандра Лукашэнкі.
Разам з тым міністр адзначыў тэндэнцыю росту злачынстваў у сферы высокіх тэхналогіяў.
Яны пераважна звязаныя з крадзяжом грошаў з дапамогай маніпуляцыяў з пластыкавымі карткамі, узломам акаўнтаў карыстальнікаў.
МГ belsat.eu