Міністэрства ўнутраных спраў Беларусі падрыхтавала праект закону аб павелічэнні тэрміну, у які іншаземцам можна знаходзіцца ў Беларусі без рэгістрацыі, з 5 да 10 дзён.
Пра гэта паведаміў начальнік аддзелу грамадзянства і міграцыі МУС Вадзім Забаронак.
Паводле слоў Забаронка, рашэнне можа быць прынятае неўзабаве і мае набыць сілу налета. Акрамя таго, іншаземцам прапануюць электронную рэгістрацыю праз партал дзяржаўных паслуг.
Кошт рэгістрацыі па-ранейшаму будзе складаць адну базавую велічыню, або 23 рублі. За адсутнасць рэгістрацыі прадугледжаны штраф да 50 базавых (1150 рублёў).
Гэтае рашэнне МУС не тычыцца «безвізу» – пакуль што замежнікі па-ранейшаму могуць знаходзіцца ў Беларусі толькі 5 дзён без візы.
KA, belsat.eu
