МУС налічыла ў 3,5 разы менш удзельнікаў агітацыйнага мітынгу Святланы Ціханоўскай, чым праваабаронцы.
«Для аб’ектыўнага пацверджання інфармацыі МУС абагульніць дадзеныя аб колькасці ўдзельнікаў масавага мерапрыемства, якое адбылося 30 ліпеня ў сталічным парку Дружбы народаў. Праз кантрольна-прапускныя пункты з выкарыстаннем ручных металадэтэктараў прайшлі 18.250 чалавек», – паведамляецца ў тэлеграм-канале прэс-сакратаркі МУС Вольгі Чамаданавай.
У прэс-рэлізе адзначаецца, што працаўнікі ГУУС Менгарвыканкаму «забяспечылі ахову грамадскага парадку». «Парушэнняў заканадаўства не дапушчана», – адзначылі ў МУС.
Нагадаем, 30 ліпеня на плошчы Бангалор адбыўся агітацыйны мітынг кандыдаткі ў прэзідэнты Святланы Ціханоўскай. Паводле падлікаў назіральнікаў Праваабарончага цэнтру «Вясна», з 17:30 да 20:30 на мітынг прыйшло не менш 63 тысяч чалавек.
ІІ belsat.eu
