У Лідзе адбыўся агітацыйны мітынг кандыдаткі ў прэзідэнты Святланы Ціханоўскай.
21:00 мітынг завершаны, заўтра каманда Святланы Ціханоўскай працягне агітацыйны тур па Гарадзеншчыне.
20:46 Вераніка Цапкала кажа, што беларусы заслужылі пераменаў. Людзі пачалі скандаваць «Пераменаў!»
20:28 Падчас мітынгу Святланы Ціханоўскай затрыманыя журналісты «Белсату» Уладзімір Лунёў і Галіна Абакунчык.
20:08 Як і ў Маладзечна, Ціханоўская заклікала людзей сталага веку не баяцца пераменаў.
«Вайны не будзе. Ніхто вайны не хоча. Мы мірныя людзі і хочам мірнага неба над галавой», – заявіла яна.
Таксама Святлана звярнулася да міліцыянтаў, адзначыўшы, што паасобку яны ўсе добрыя людзі. Удзельнікі мітынгу пачалі скандаваць «Міліцыя з народам!»
19:50 На стадыёне з’явілася Святлана Ціханоўская разам з Марыяй Калеснікавай і Веранікай Цапкалай. Яны праходзілі да сцэны пад песню «Разбуры турмы муры».
Мітынг адбудзецца на пляцоўцы каля ГЦ «Патсдам» на вуліцы Лётная. Сабралося ўжо каля тысячы чалавек.
У Ліду Ціханоўская прыехала з Маладзечна. Там у мітынгу прынялі ўдзел ад 3 да 5 тысяч чалавек. Падчас жывога эфіру ў Маладзечна былі затрыманыя нашыя журналісты Зміцер Міцкевіч і Дзяніс Дзюба.
ІІ belsat.eu