І хоча сустрэцца з ім.
18 жніўня каталіцкі мітрапаліт Менска-Магілёўскі Тадэвуш Кандрусевіч звярнуўся да міністра ўнутраных справаў Беларусі Юрыя Караева ў справе затрыманых падчас акцый пратэсту.
Старшыня Канферэнцыі Каталіцкіх Біскупаў у Беларусі папрасіў дазволіць святарам наведваць затрыманых пасля прэзідэнцкіх выбараў, каб аказаць ім патрэбную дапамогу, перадусім духоўную, піша Catholic.by.
Іерарх таксама заклікаў міністра неадкладна вызваліць затрыманых і звярнуўся да міністра з просьбай асабіста прыняць яго, каб абмеркаваць цяперашнюю складаную сітуацыю з мэтай перадухілення насілля ў будучыні.
А 17 жніўня праваслаўны мітрапаліт Менскі і Заслаўскі Павел наведаў больніцу хуткай медычнай дапамогі ў Менску, дзе знаходзяцца пацярпелыя падчас разгону пратэставых акцыяў, паведамляе Church.by.
Іерарх паведаміў пацярпелым, што ў Беларускай Праваслаўнай Царкве моляцца аб іх найхутчэйшым выздараўленні, і выказаў надзею на справядлівае расследаванне злачынстваў падчас акцыяў.
«Трымайцеся, папраўляйцеся і не падайце духам!» – пажадаў пацярпелым мітрапаліт Павел.
Ён нагадаў, што Царква асуджае любы гвалт, знаходзіцца разам з усімі людзьмі, падзяляе іх боль, суперажывае іх пакутам, моліцца пра іх і пра іх блізкіх.
МГ belsat.eu
