Паводле міністэрства, у памерлай пацыенткі было шмат хранічных захворванняў.
Як паведамляе Мінздароўя ў сваім тэлеграм-канале, за апошнія содні выпісана 5 пацыентаў, у якіх раней тэст на COVID-19 даў станоўчы вынік. Пад медычным наглядам і на лячэнні знаходзяцца 157 чалавек.
«Зарэгістраваны другі выпадак смерці ўзроставага пацыента з наяўнасцю шматлікіх хранічных захворванняў, па папярэдніх дадзеных, абцяжараных каронавіруснай інфекцыяй», – гаворыцца ў паведамленні.
Агульная лічба па ўсіх інфікаваных па-ранейшаму не называецца.
Адзначаецца, што ў Беларусі на сённяшні дзень праведзена больш за 32 тысячы тэстаў на каронавірусную інфекцыю.
КА belsat.eu