У выніку пажараў увечары 7 лютага два чалавекі загінулі ў Барысаўскім раёне і адзін у Браслаўскім. Гэта вынікае з аператыўнай зводкі МНС.
На Віцебшчыне пажар адбыўся ў жылым доме ў вёсцы Кабашы Браслаўскага раёну. На момант прыбыцця ратавальнікаў у доме ўжо абваліўся дах, загінуў гаспадар – мужчына 1963 года нараджэння. Прычына пажару высвятляецца.
Пажар у Браслаўскім раёне. Крыніца – vitebsk.mchs.gov.by
Пры пажары ў жылым доме ў вёсцы Ніўкі Барысаўскага раёну загінулі двое мужчын. Прычына пажару таксама пакуль невядомая.
ІІ belsat.eu
