Рамонт М1 і М6 будзе завершаны да канца 2019 года, паведаміў журналістам намеснік начальніка галоўнага ўпраўлення аўтамабільных дарог Міністэрства транспарту і камунікацый Мікалай Чарнюк на прэс-канферэнцыі 24 верасня.
«На дарозе М1 выканаем рамонт да канца года і тым забяспечым у зімовы перыяд больш камфортныя і бяспечныя ўмовы як для карыстальнікаў, так і для эксплуатацыйных арганізацыяў. Таксама працягваецца рэканструкцыя асноўных магістраляў згодна з дзяржаўнай праграмай развіцця аўтадарог. У гэтым годзе будзем цалкам скончана траса М6 Менск – Горадня на ўсім яе працягу», – сказаў Мікалай Чарнюк.
Тыя ўчасткі трасы М6, якія не патрапілі пад рэканструкцыю і былі пабудаваныя раней таксама будуць адрамантаваныя дадаў Чарнюк.
У 2020 годзе пачнецца рэканструкцыя трасы М7, якая злучае Менск і мяжу Беларусі з Літвой.
ЮВ belsat.eu