Былы міністр юстыцыі Украіны часоў кіравання Віктара Януковіча Алена Лукаш заявіла ў эфіры тэлеканалу «112.UA» пра спробы зрынуць прэзідэнта Уладзіміра Зяленскага.
Лукаш адзначыла, што ў якасці падставы для скідвання Зяленскага «некаторыя палітычныя сілы» будуць спрабаваць выкарыстаць развядзенне сілаў на Данбасе.
«Цяпер будуць гайдаць, хістаць», – заявіла яна.
Паводле слоў, у краіне «сацыяльная сітуацыя не палепшылася, эканамічная – пагоршылася, палітычная ператварылася ў чараду пастаянных скандалаў», «але ўсё роўна стала адносна лягчэй».
1 кастрычніка стала вядома, што ўкраінскія ўлады папярэдне пагадзіліся з прапановай былога міністра замежных справаў Нямеччыны Франка-Вальтэра Штайнмаера, якая прадугледжвае, што на часова акупаваных тэрыторыях пад кантролем і пры садзейнічанні АБСЕ адбудуцца мясцовыя выбары.
Калі АБСЕ пацвердзіць, што выбары адпавядалі міжнародным стандартам, то ўступіць у сілу заканадаўства аб «адмысловым статусе» гэтых тэрыторый.
МГ belsat.eu
