Міністэрства аховы здароўя заявіла, што мае намер знізіць кошты на некаторыя лекі


Фота: REUTERS / Vasily Fedosenko / Forum

Міністэрствам аховы здароўя Рэспублікі Беларусь разглядае магчымасць зніжэння коштаў некаторыя лекі. Дзеля гэтага ведамства заклікае беларусаў, якія набываюць лекі за мяжой, дасылаць квіткі з коштамі на Фэйсбуку.

«У выпадку, калі вы набываеце лекавыя сродкі ў іншых краінах, прапаноўваем вам прыняць удзел у абмеркаванні і даслаць у каментары да замацаванага запісу на старонцы Міністэрства аховы здароўя ў Facebook дакладную інфармацыю, пацверджаную фота ўпакавання або квітка з указаннем краіны, гораду і інш., пра лекі, набытых за межамі краіны, кошт якіх адрозніваецца ад кошту аналагічных лекавых сродкаў у Беларусі», – адзначаецца ў паведамленні на сайце Мінаховы здароўя.

Агулам абарот рынку лекаў у нашай краіне складае больш за $ 1 млрд. Пры гэтым даследаванні сведчаць, што сярэдні кошт аднаго пакунку імпартных лекаў амаль у тры з паловаю разы большы за кошт аналагічнага пакунку лекаў беларускіх. Пры гэтым беларусы скардзяцца, што кошты ў аптэках стала павялічваюцца.

«Толькі сёння размешчана інфармацыя пра нашую акцыю. Таму пакуль водгукаў няма. Мы пабачым, што нам дашлюць людзі, а пасля гэтага зробім свае высновы», – паведаміла «Белсату» прэсавы сакратар ведамства Юлія Барадун.

Міліцыя выкрыла карупцыйную схему, праз якую выраслі цэны на лекі

СК belsat.eu

Глядзі таксама
Каментары