Адмена падатковых ільготаў, а таксама павышэнне некаторых падаткаў можа папоўніць бюджэт Беларусі да Br 1 млрд, лічыць міністр фінансаў Юрый Селіверстаў. Такую заяву чыноўнік агучыў у эфіры «ОНТ».
Міністр фінансаў Юрый Селіверстаў распавёў, што пандэмія аказвае моцны ціск на эканоміку краіны. Адсюль і запланаваны на 2021 год дэфіцыт бюджэту памерам каля Br 4 млрд. На думку чыноўніка, гэтая лічба не крытычная, і ўлады справяцца з фінансавым цяжарам.
Дзеля гэтага з 1 студзеня ў Беларусі адмянілі некаторыя падатковыя ільготы, а каб кампенсаваць выдаткі на барацьбу з каронавірусам, павялічылі стаўкі падатку на прыбытак для аператараў сотавай сувязі з 18 % да 30 %.
«Па ўсёй краіне гэтыя льготы, у тым ліку па ПДВ, дадуць, напэўна, дзесьці да Br 1 млрд», – сказаў Юрый Селіверстаў.
СК belsat.eu