Мінэнерга Беларусі абвяргае наяўнасць запазычанасці перад «Газпромом»

Міністэрства энергетыкі Беларусі адказала на закіды «Газпрома» пра наяўнасць запазычанасці за пастаўлены газ. Раней расейская кампанія паведаміла, што не будзе разглядаць у 2020 годзе пытання ў справе зніжэння коштаў на паліва, а кошты на 2021 год будуць абмяркоўвацца толькі пасля аплаты запазычанасці.

Кіраўнік «Газпрома» Аляксей Мілер распавёў, што Беларусь павінная больш за 165 мільёнаў долараў за пастаўлены газ. У сваю чаргу Мінэнерга Беларусі паведамляе, што нашая краіне не мае запазычанасці за імпартаваны прыродны газ.

«Разлікі за прыродны газ ажыццяўляюцца беларускімі арганізацыямі з ААТ «Газпром трансгаз Беларусь» у адпаведнасці з дамовамі. Цяпер паміж суб’ектамі гаспадарання маюцца рознагалоссі па вызначэнні кошту прыроднага газу з улікам яго каларыйнасці. Урэгуляванне ўзніклі пытанняў знаходзіцца ў кампетэнцыі гаспадарчых субʼектаў», – адзначаецца ў паведамленні міністэрства.

Афіцыйны Менск раней неаднаразова адзначаў, што жадае перагледзець кошты на газ. Паводле словаў Аляксандра Лукашэнкі, спотавыя кошты на расейскую сыравіну ў Еўропе складаюць каля 70 долараў за тысячу кубаметраў. У гэты ж час Беларусь набывае блакітнае паліва па 127 долараў за тысячу кубаметраў. Але «Газпром» не жадае пакуль уздымаць гэтае пытанне.

«Газпром» пакуль не жадае зніжаць кошты на газ для Беларусі

СК belsat.eu

Hавiны