Мінабароны абяцае вывесці на суботнік 50 тысяч чалавек


Жанчыны-вайскоўцы беларускай арміі. Ірына Арахоўская / Belsat.eu

Міністэрства абароны абяцае, што ў дзяржаўным суботніку 20 красавіка ад Узброеных сілаў Беларусі прымуць удзел больш за 50 тысяч чалавек.

Цікава, што паводле апошніх дадзеных колькасць беларускай арміі складае амаль 65 тысяч чалавек з улікам цывільнага персаналу. Непасрэдна вайскоўцаў – 46 тысяч.

Як паведамляе сайт Мінабароны, падчас суботніку асноўныя намаганні вайскоўцаў будуць накіраваныя на навядзенне парадку на замацаваных за вайсковымі часцямі мемарыялах і помніках, месцах баявой і воінскай славы, пахаванняў воінаў і партызан Другой сусветнай вайны, добраўпарадкаванне тэрыторыяў і паркаў воінскіх частак.

У суботніку прыме ўдзел і міністр абароны Андрэй Раўкоў. Ён разам з афіцэрам Генеральнага штабу і Мінабароны будзе саджаць дрэвы ў Крупскім вайсковым лясгасе.

Дырэктыва Лукашэнкі аб развіцці ЖКГ прадугледжвае абавязковыя суботнікі для жыльцоў

ІІ belsat.eu

Глядзі таксама
Каментары