Міліцыянты і АМАП ладзяць паляванне на актывістаў «Моладзевага блоку» і кампаніі «Легалайз Беларусь», паведамляе праваабарончы цэнтр «Вясна».
У доме, дзе жывуць актывісты «Моладзевага Блоку» і кампаніі «Легалайз Беларусь» Вераніка Яновіч, Міхась Варанцоў і Ягор Віняцкі дзяжурыць бус у якім знаходзяцца асобы ў цывільным. Пазней сюды прыехалі АМПаўцы.
Цягам дня міліцыянты затрымалі Уладзіслава Клаўкіна і Ягора Віняцкага.
Таксама сілавікі грукаюцца ў кватэру актывісткі Аланы Гебрэмарыям.
29 ліпеня міліцыянты затрымалі актывіста «Моладзевага блоку» Пятра Маркелава. Юнак прыйшоў выказаць падтрыманне дзяўчыне палітвязня Дзмітрыя Фурманава, якая трымала галадоўку каля СІЗА №1. Актывіста асудзілі на 12 дзён арышту нібыта за ўдзел у нейкім несанкцыянаваным мерапрыемстве.
СК belsat.eu