Паліцыянт да Pussy Riot: «Я часам шкадую, што цяпер не 37 год»


Фота: Stanislav Krasilnikov / TASS / FORUM

Падчас фінальнага матчу чэмпіянату свету па футболе на поле выбеглі чацвёра актывістаў Pussy Riot, якія былі апранутыя ў паліцэйскую форму. Іх акцыя называлася «Міліцыянт уступае ў гульню».

Pussy Riot патрабавалі вызвалення палітзняволеных і спыніць палітычны пераслед.

Актывістаў, сярод якіх Пётр Вярзілаў, Вольга Пахтусава, Ніка Нікульшына і Вольга Курачова, затрымалі і адвезлі ў паліцыю. Праз некаторы час у сацыяльных сетках з’явілася відэа іх размовы з паліцыянтам.

Паліцыянт абураўся тым, што праз акцыю актывістаў цяпер FIFA накладзе на Расею штрафныя санкцыі. Таксама стала вядома, што форму яны ўзялі на пракат. На гэта паліцыянт сказаў, што шкадуе, што цяпер не 37 год.

Пашпарты заўзатара. Фота: t.me/go338

На актывістаў склалі некалькі адміністратыўных пратаколаў за парушэнне правілаў паводзінаў на спартовых спаборніцтвах і за тое, што апранулі паліцэйскую форму.

ГА, belsat.eu

Глядзі таксама
Каментары