У Беларусі наступіў Новы год. Яго сёлета сустракалі двойчы.
Спачатку, а 23:34 – у час, які сімвалізуе сабою палітычны артыкул КаАП пра масавыя акцыі, святкавалі пратэстоўцы.
У розных дварах былі чуваць салюты і воклічы «Жыве Беларусь!».
Між тым сілавікі перакрылі асноўныя плошчы.
Карэспандэнт «Белсату» перадае, што ачэплены Камароўскі рынак у Менску. Там стаіць аўтазак.
Таксама паведамляюць пра блокпасты і турнікеты на падыходах да Кастрычніцкай плошчы. Пры гэтым праспект Незалежнасці перагароджаны міліцэйскімі аўтобусамі.
МГ belsat.eu