Фота: ТАСС / Сцэна з фільму «Утомлённые солнцем – 2». У кадры – актор і рэжысёр Мікіта Міхалкоў.
Дзяржаўны тэлеканал не пусціў у эфір праграму, прысвечаную свабодзе слова, «расейскаму свету» і Украіне.
Перадача Мікіты Міхалкова трапіла пад нож расейскіх цэнзараў. Забароненае выданне Міхалкоў змясціў на афіцыйным YouTube-канале праграмы. На такую тэматыку рэжысёра натхніў тўіт каментатара «Матч ТВ» Аляксея Андронава пра «Наваросію».[/vc_column_text][vc_column_text]
[/vc_column_text][vc_column_text]
«Атрымаўшы больш за год таму прапанову выпускаць нашу праграму на канале, я быў упэўнены ў тым, што выбар тэмаў заўсёды будзе за намі, за мной як за аўтарам праграмы. Чаму ж канал забараніў нашу перадачу? Вось менавіта гэта я і хацеў бы высветліць разам з вамі, дарагія гледачы. Падумайце разам са мной – а чаму?! Што ў гэтай перадачы такога, што нельга паказваць вам – велізарнаму ліку расейскіх тэлегледачоў, тым, хто прыходзіў да экрана, калі ішла наша перадача. Я вельмі спадзяюся на тое, што мы гэтае пытанне з вамі якім-небудзь чынам абмяркуем. Паглядзіце, калі ласка. Дзякуй!» – звяртаецца да аўдыторыі расейскі кінарэжысёр.
Мікіта Міхалкоў зрабіў 38 выданняў праграмы ў межах праекту «Бесогон ТВ». У забароненай праграме Міхалкоў крытыкуе атмасферу варожасці ў расейскіх медыях. Кінарэжысёр скардзіцца на неабʼектыўнасць і «дазаванасць свабоды медыяў». Акрамя таго, Міхалкоў абвінавачвае ў фальсіфікацыях журналіста Матвея Ганапольскага і апраўдвае Аляксея Андронава, які паводле аўтара праграмы, таксама мае права на меркаванне.
«Я хачу пачуць два бакі канфлікту! Хто прымае рашэнне, што дрэнна і што добра? Хто дазуе? У чыіх гэта руках?» – задае пытанні Мікіта Міхалкоў.
[/vc_column_text][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGbFQ2enJJRWZyWnMlMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_column_text]ЮВ, belsat.eu
