Следчыя выставілі афіцыйнае абвінавачванне затрыманаму палітыку Мікалаю Статкевічу і відэаблогеру Дзмітрыю Казлову, паведамляе «Радыё Свабода».
Палітыка Мікалая Статкевіча і блогера Змітра Казлова абвінавачваюць паводле ч. 1 арт. 342 Крымінальнага кодэксу «Арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх». Пакаранне паводле гэтага артыкулу прадугледжвае да 3 гадоў пазбаўлення волі.
Падставай для абвінавачання стаў інцыдэнт у Горадні 29 траўня, калі падчас пікету па зборы подпісаў у выніку правакацыі на зямлі раптоўна апынуўся міліцыянт. У выніку затрымалі Сяргея Ціханоўскага і яшчэ 9 асобаў.
Паводле адваката затрыманых Уладзіміра Сазанчука, ні Статкевіч, ні Казлоў сваёй віны не прызнаюць. Мікалай Статкевіч сцвярджае, што ў Горадні апошні раз быў летась восенню.
СК belsat.eu
