У Беларусі пачалі судзіць палітыкаў і актывістаў, затрыманых 31 траўня ў розных кропках краіны.
Мікалая Статкевіча суд пакараў 15 соднямі арышту. Пра гэта паведаміла ў сацсетках ягоная жонка Марына Адамовіч.
Нагадаем, палітыка затрымалі людзі ў цывільным 31 траўня, калі ён ехаў на пікет па збору подпісаў за Святлану Ціханоўскую. Сёння Статкевіч адмовіўся ўдзельнічаць у судовым працэсе, назваўшы яго цыркам.
15 сутак. Мікалай просіць Не спыняйцеся!
Opublikowany przez Marinę Adamovich Poniedziałek, 1 czerwca 2020
Усяго, паводле праваабаронцаў, 31 траўня ў Беларусі было затрымана больш за 30 чалавек. Частку з іх затрымалі прэвентыўна, а частку – падчас пікетаў па збору подпісаў за вылучэнне кандыдатам у прэзідэнты Святланы Ціханоўскай.
ІІ belsat.eu