Міхэіла Саакашвілі завочна прысудзілі да 3 гадоў зняволення


Гарадскі суд Тбілісі завочна прысудзіў экс-прэзідэнта Грузіі Міхэіла Саакашвілі да 3 гадоў пазбаўлення волі па артыкуле «злоўжыванне службовымі паўнамоцтвамі».

Следства лічыць, што ў 2008 годзе Саакашвілі перавысіў паўнамоцтвы, калі памілаваў чатырох высокапастаўленых грузінскіх паліцэйскіх, раней асуджаных у якасці фігурантаў справы аб забойстве супрацоўніка «Аб’яднанага банка Грузіі» Сандра Гіргвлаяні. На думку суда, зроблена гэта было ў абыход камісіі па памілаванні, паведамляе «Грузія-Анлайн».

Адвакат Саакашавили Сафія Гаглічыдзе заявіла, што не разумее, на падставе якіх доказаў суддзя вынес абвінаваўчы прысуд у дачыненні да былога прэзідэнта Грузіі.

«Сёння была парушаная канстытуцыя Грузіі, выразна відаць, што ідзе палітычны перасьлед. Немагчыма было, каб па ім быў вынесены абвінаваўчы вердыкт» – заявіла адвакат.

Сам Саакашвілі так пракаментаваў прысуд у сваім Фэйсбуке:

«Судзіць прэзідэнта за выкарыстанне права на памілаванне (якое я выкарыстаў у адносінах да 133 былых вайскоўцаў), якое ніяк не абмежавана, кажа пра цалкам палітычны характар ​​гэтага працэсу. Гэта таксама кажа пра тое, што грузінская ўлада не знайшла на мяне за 5 гадоў нічога істотнага: ні ніякіх фактаў карупцыі, ні іншых правапарушэнняў».

«Вирок» грузинського суду, що знаходиться під повним контролем найбільшого приватного акціонера Газпрому Іванішвілі, від…

Publié par Mikheil Saakashvili sur vendredi 5 Janvier 2018

КА, belsat.eu

Глядзі таксама
Каментары