Кіраўнік Каталіцкага касцёлу ў Беларусі з 2021 года можа сысці са сваёй пасады. Пра гэта ён заявіў на прэс-канферэнцыі 20 снежня.
«Як гэтага патрабуе Кананічнае права, 3 студзеня 2021 года я, калі дажыву, занясу ў Апостальскую нунцыятуру заяву аб сыходзе на пенсію. Але вырашае гэтае пытанне Папа», – адзначыў метрапаліт Тадэвуш Кандрусевіч, піша Catholic.by.
Іерарх адзначыў, што гатовы працаваць і далей, але «змены часам неабходныя».
Сярод галоўных праблем, з якімі беларускія католікі сутыкнуліся ў 2019 годзе, арцыбіскуп перадусім назваў недахоп касцёлаў «крокавай даступнасці».
Паводле яго, дзе-нідзе немагчыма атрымаць ад уладаў зямельны надзел і дазвол на будаўніцтва.
МГ belsat.eu