Мэр Гданьску памёр пасля нападу на дабрачынным канцэрце


Мэр Гданьску Павел Адамовіч. Фота - PAP/Jan Dzban

Мэр Гданьску Павел Адамовіч, якога 13 студзеня паранілі нажом на сцэне падчас дабрачыннага канцэрту, памёр у шпіталі, паведамляе tvp.info. Пасля нападу ён быў шпіталізаваны ў крытычным стане.

Напад здзейсніў 27-гадовы мужчына, які раней быў судзімы. Нападнік выбег на сцэну і пачаў крычаць, што сядзеў без віны ў турме, а кіроўная ў той час ліберальная партыя «Грамадзянская плятформа» катавала яго.

Раней паведамлялася, што кроў для мэра Гданьску здалі больш за 300 мясцовых жыхароў, а медычны цэнтр, дзе гэта адбывалася, быў перапоўнены.

Псіхічнахворы напаў на мэра Гданьску з нажом. Палітык у крытычным стане

53-гадовы Павел Адамовіч кіраваў горадам з 1998 года. Нядаўна выбарцы зноў падоўжылі ягоны мандат.

ЮВ, belsat.eu

Глядзі таксама
Каментары