Мянчанку, якая вядзе вайну са сталічнымі фэйкавымі жабракамі, затрымалі міліцыянты.
«Мяне забралі разам з папрашайкамі ў Цэнтральны РАУС. Жабракоў просяць напісаць на мяне заяву паводле арт. 17.1 КааП [дробнае хуліганства. – Заўв. Belsat.eu]», – распавяла Belsat.eu адразу пасля затрымання Гуліко.
На тэлефанаванні жанчына не адказвае.
Гуліко Махнадзэ – YouTube-псеўданім змагаркі з бяздомнікамі, якія просяць міласціну, і ашуканцамі, якія робяць выгляд, што трапілі ў безнадзейную жыццёвую сітуацыю.
Два тыдні таму на YouTube-канале Гуліко з’явілася нявіннае відэа, на якім Гуліко Махнадзэ просіць працаўніка МУС прадставіцца. На днях гэтае відэа было паказанае ў эфіры «Белсату».
У 2017 годзе інтэрнэт-выданне citydog.by зрабіла рэпартаж пра жанчыну, якую ў твар ведаюць ледзь не ўсе менскія жабракі.
ЮВ belsat.eu