Прыблізна з 4 да 9 раніцы 29 верасня ў менскім аэрапорце не было электрычнасці.
Пасажырам давялося чакаць свае рэйсы ў цемры.
Паводле некаторых пасажыраў, адміністрацыя аэрапорту не выходзіла на сувязь і не паклапацілася належным чынам пра сваіх кліентаў.
«Інфармацыі ніякай няма, нікому нічога не кажуць, камп’ютары не працуюць, разметка не працуе, касы і стойкі рэгістрацыі таксама. Дзеці спяць на падлозе. Адміністрацыя на сувязь не выходзіць, людзям не прапанавалі нічога – ні вады, ні ежы. Некалькі хвілін таму па гучнай сувязі абвясцілі пажарную трывогу і тэрміновую эвакуацыю», – паведаміла TUT.BY Вольга, яна знаходзілася ў аэрапорце з 6-й раніцы.
Святло ў менскім аэрапорце знікла а 4:22. Большасць авіярэйсаў, якія былі затрыманыя, ужо здзейснілі пасадку.
Паводле «Белэнерга», праблема з электрычнасцю вынікае з тэхнічнай няспраўнасці абсталявання Нацыянальнага аэрапорту.
«Раніцай 29 верасня ажыццяўлялася надзейнае электразабеспячэнне Нацыянальнага аэрапорту. Высакавольтныя лініі 110 кВ і абсталяванне падстанцыі «Аэрапорт» якое належыць РУП «Менскэнерга» працавалі без збояў».
Паводле прэс-сакратара аэрапорту Раміны Саматханавай, «былі перабоі ў электраснабжэнні».
Святло ў Нацыянальным аэрапорце знікае не ўпершыню. 13 верасня а 22.05 прыкладна на 45 хвілін аэрапорт працаваў на аўтаномных крыніцах асвятлення.
Збой у працы аэрапорту паўплываў на расклад вылетаў і прылётаў шэрагу рэйсаў.
ЮВ belsat.eu