Завод «Штадлер Менск» паставіць дзесяць цягнікоў для менскага метрапалітэна. Першы чатырохвагонны цягнік метро атрымае ў 2018 годзе, усю партыю – да 2020 года.
У суполцы беларускай чыгункі «Вконтакте» ўжо з’явіліся фотаздымкі і апісанне новых цягнікоў для менскага метро.
У цягніку Stadler прадугледжаны спецыяльныя меры па эвакуацыі пасажыраў праз дзверы ў тарцы галаўнога вагона. Неабходна толькі адчыніць дзверы і адкінуць спецыяльную складную рампу, пасля чаго пасажыры могуць бяспечна пакінуць цягнік.
У цягніку шырокія ўваходныя пляцоўкі на ўзроўні платформы, якія павінны быць зручныя для інвалідаў і старыкоў.
На дзвярах будуць размешчаны індыкатары, якія паказваюць зачынены або адчынены дзверы.
Канструкцыя цягніка будзе таксама прадугледжваць свабодны пераход з аднаго вагона ў іншы.
ІІ, belsat.eu
