На Кастрычніцкай плошчы ўжо цалкам змантаваная ялінка, а цэнтр гораду ўпрыгожваюць агеньчыкамі.
Да Новага года больш за месяц, а Менск ужо рыхтуецца да святаў. На Кастрычніцкай плошчы паставілі ялінку традыцыйнай конуснай формы. Сёлета яе ўпрыгожылі белымі і блакітнымі сняжынкамі.
Удзень бачныя рабочыя, якія падлучаюць кантакты да святочных ліхтарыкаў.
Хутка павіннае з’явіцца і святочнае афармленне вітрыны ў ГУМе. Як бачна на абвестцы, вітрына будзе створаная паводле матываў творчасці беларускай мастачкі Ганны Сілівончык.
ВЯ, фота Ірына Арахоўская Belsat.eu