Музыкі ў грыме падаліся чыноўнікам «занадта жахлівымі і пугаючымі».
Плакат да прэзентацыі альбому «Magister Bibendi» не прайшоў узгаднення з чыноўнікамі, піша партал «Тузін гітоў».
На плакаце канцэрту, які павінен быў быць размешчаны на білбордзе ў Менску, гурт зняўся ў грыме. Такім чынам музыкі збіраліся перадаць дух персанажу, у гонар якога быў названы альбом.
«Для нас Магістар Бібендзі ўвасабляе адначасова дух рок-н-ролу, бога вінаробства Дыёніса і Барона Суботу, які ў нашым выпадку выступае правадніком між мінулым і будучым», – так музыкі тлумачаць канцэпцыю фотасесіі.
Аднак аддзел па кантролі за рэкламай Менгарвыканкаму палічыў плакат неадпаведным для размяшчэння.
У рэкламным агенцтве, якое займалася ўзгадненнем макета, выяву музыкаў з размаляванымі тварамі не дазволілі, палічыўшы іх занадта жахлівымі і пугаючымі.
«Можа ўгледзелі ў гэтым чартаўшчыну і сатанізм, але гэтых сэнсаў мы не ўкладалі. Калі з нас хочуць сарваць маскі – дык будзе яшчэ страшней», – з іроніяй каментуе рашэнне чыноўнікаў прадусар гурту Яўген Калмыкоў.
Канцэрт-прэзентацыя альбому «Magister Bibdendi» запланаваная ў Менску на 23 студзеня 2016 года.[vc_row][vc_column][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGRkN3ZE9wNHphVWslMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][/vc_column][/vc_row]НМ, belsat.eu
