Уладам Беларусі за 15 гадоў не ўдалося сцерці з памяці грамадзянаў імёны тых, хто стаў ахвярамі «эскадронаў смерці».
Журналісты «Белсату» спыталі жыхароў Менску, ці яны памятаюць зніклых палітыкаў і грамадскіх дзеячаў. З тых, каму знаёмыя імёны Юрыя Захаранкі, Дзмітрыя Завадскага, Віктара Ганчара, Анатоля Красоўскага, ніхто не сумняецца, што да іх знікненняў датычныя беларускія ўлады на чале з Аляксандрам Лукашэнкам.
«Іх проста забілі. Па загаду той і цяперашняй улады. І асабіста Лукашэнкі», – сказаў адзін з рэспандэнтаў.
Некаторыя мінакі адмаўляліся адказваць на пытанне, датычнае зніклых палітыкаў.
МЛ, belsat.eu
