Менчукі пра затрыманне журналістаў: Калі б не вы, мы б нічога не ведалі!


Жыхары Менску распавядаюць, што думаюць пра ціск уладаў на незалежных журналістаў.

Многія кажуць, што ўлады баяцца свабоды слова і не ведаюць, як рэагаваць. Шмат хто кажа пра бязмежжа і запужванне.

«Страх. Крыху панічныя рухі, нелагічныя нават. Яны яшчэ не навучыліся, як рэагаваць, каб Захад не надта па галаве даваў», – лічыць жанчына.

«Звычайнае бязмежжа. І паляванне на незалежных журналістаў, якія мэты яны хочуць дасягнуць?», – задаецца пытаннем мянчанка.

«Калі б не вы, мы нічога б не ведалі. Па тэлебачанню нічога ж не пакажуць. Крыўдна за старых бабуль, што яны нічога не бачаць», – кажа яшчэ адна жанчына.

«Чарговае запужванне, рыхтуюцца да 25 сакавіка», – кажа мужчына.

«Трэба крытыкаваць, улада не ідэальная. І яна павінна гэта прымаць», – упэўнены мінак.

Ёсць іншыя меркаванні

«Можа ім трэба больш шчыльна працаваць з органамі?», – мяркуе жанчына.

Больш глядзіце ў відэа!

Пераслед журналістаў спланаваная акцыя

18 сакавіка беларуская міліцыя і спецслужбы зладзілі скаардынаваную па ўсёй краіне акцыю запалохвання журналістаў, асабліва тых, хто супрацоўнічае з «Белсатам».

ДР belsat.eu

Стужка навінаў