Відэаапытанне менчукоў пра рэформы ЖКГ
У чым галоўнае дасягненне, якое зрабіў на сваім пасту старшыня Менгарвыканкаму Андрэй Шорац?
У інтэрвʼю тэлеканалу СТБ ён сказаў, што гэта рэформа сістэмы ЖКГ. Паводле чыноўніка, у Менску быў створаны адзіны даведкавы цэнтр. Аплату тэхнічнага абслугоўвання давялі да 92 % ад сабекошту гэтай паслугі, а кошт аплатаў за капрамонт знізіўся ажно на 45 %.
«Ніякай розніцы», – кажа малады мужчына.
«Як былі сметнікі, так і ёсць, як быў бруд, так і ёсць», – кажа жанчына.
«Мы самі зрабілі за свае грошы рамонт у падʼездзе», – выказваецца яшчэ адна жанчына.
«Недзе можа нешта змянілася, але недахопы па ўборцы ёсць», – яшчэ адно меркаванне.
«Кіраўнікоў ЖКГ трэба пакараць. Крадуць грошы, толькі невядома, куды», – кажа мужчына.
Андрэй Шорац займае пасаду кіраўніка Менгарвыканкаму ўжо два гады.
Адказы глядзіце ў відэа.
ДР belsat.eu