Башыраў ці Чапіга? Сюжэт «Вот так» за 27 верасня
Былы журналіст Цэнтру ўпраўлення расследаваннямі (ЦУР) Сяргей Канеў быў вымушаны 28 верасня тэрмінова пакінуць Расею.
Пра гэта паведаміла ў сваім тэлеграм-канале выданне «Праект» са спасылкай на атачэнне бізнесоўца Міхаіла Хадаркоўскага, дваіх былых супрацоўнікаў ЦУР і аднаго супрацоўніка «МБХ Медиа», дзе публікаваўся Канеў.
Раней Міхаіл Хадаркоўскі ў інтэрв’ю тэлеканалу «Дождь» распавёў, што нехта з ягоных супрацоўнікаў быў вывезены з Расеі. Бізнесовец паведаміў, што ў дачыненні да журналіста рыхтавалася правакацыя, падчас якой планавалі высунуць абвінавачанне ў падрыхтоўцы тэракту супраць прэзідэнта Расеі Уладзіміра Пуціна.
Паводле крыніцы «Праекту», Канеў даведаўся, што яго збіраюцца абвінаваціць у спробе высветліць маршрут перамяшчэння картэжу Пуціна.
Цяпер Сяргей Канеў знаходзіцца ў адной з краінаў Балтыі, паведаміла крыніца «Праекту». Пераезд журналіста пацвердзіў і праваабаронца, які працуе ў гэтай краіне.
Раней «МБХ медиа» пісала, што Канеў асцерагаецца крымінальнай справы праз расследаванне пра Пятрова і Башырава (сапраўднае імя якога, паводле адной з версіяў, – Анатолій Чэпіга), якіх Вялікая Брытанія вінаваціць у атручванні Скрыпалёў.
30 ліпеня ў Цэнтральнаафрыканскай рэспубліцы забілі ўдзельнікаў расейскай здымачнай групы – журналіста Архана Джэмаля, рэжысёра Аляксандра Растаргуева і аператара Кірыла Радчанку. Яны прыехалі ў афрыканскую краіну здымаць сумесны з Цэнтрам упраўлення расследаванняў фільм пра працу расейскай прыватнай вайсковай кампаніі «Вагнер».
НМ, belsat.eu