Праваабарончаму цэнтру «Вясна» вядомыя імёны амаль 400 затрыманых удзельнікаў нядзельных пратэстаў. Частку асобаў шпіталізавалі з аддзяленняў міліцыі, найхутчэй яны былі моцна збітыя.
Паводле звестак праваабарончага цэнтру «Вясна» 22 лістапада ў часе пратэстаў былі затрыманыя больш за 380 чалавек. Паводле звестак сталічнага ГУУС у Менску былі затрыманыя больш за 200 асобаў.
Марш супраць фашызму прайшоў у новым фармаце. Удзельнікі маршу збіраліся ў сваіх мікрараёнах і рушылі да кропак збору, якія папярэдне самыя вызначалі ў лакальных чатах. Змена тактыкі пратэстаў сталася адказам на брутальныя дзеянні сілавікоў. Падчас акцыі 15 лістапада былі затрыманыя больш за 1200 асобаў.
АА belsat.eu