У сталіцы сёння праходзіць марш мудрасці, традыцыйная акцыя ў якой бяруць удзел людзі сталага веку. Удзельнікі акцыі патрабуюць адстаўкі Аляксандра Лукашэнкі з паста кіраўніка краіны.
Марш мудрасці традыцыйна праходзіць у панядзелкі, акцыя пачынаецца ў абед каля Чырвонага Касцёлу на плошчы Незалежнасці. Раней у маршах мудрасці таксама бралі ўдзел медыкі і студэнты.
17:00. Акцыя завершылася, некаторыя ўдзельнікі маршу былі затрыманыя.
16:30. Чытачы паведамляюць, што ля Опернага тэатру стаяць тры бусы і аўтобус сілавікоў. Пад’ехалі яшчэ.
16:15. Tut.by паведамляе пра затрыманьні на плошчы Перамогі, куды змагла дайсьці невялікая колькасьць удзельнікаў маршу пэнсіянэраў
16:05. Невялікая частка ўдзельнікаў акцыі дайшла да плошчы Якуба Коласа.
15:59. На скрыжаваньні вуліц Аляізы Пашкевіч і Чычэрына пачаліся затрыманьні, туды прыехалі сілавікі на мікрааўтобусах і аўтазаках і кінуліся на пэнсіянэраў. Як мінімум адна жанчына затрыманая. Сілавікі акружылі пэнсіянэраў.
15:35. Удзельнікі акцыі рушаць па вуліцы Максіма Багдановіча.
15:13. Падобна, што асноўная мэта сілавікоў – не пусціць марш па праспекту Незалежнасці. Яны бегаюць за людзьмі і спрабуюць іх скіраваць у іншы бок, піша радыё «Свабода».
15:07. Удзельнікі акцыі выйшлі на праезджую частку.
15:05. У Горадні таксама праходзіць марш пенсіянераў, сталыя людзі ідуць у бок вуліцы Кірава.
15:00. Удзельнікі маршу падыйшлі да сілавікоў, якія блакуюць рух каля вуліцы Янкі Купалы. Раней затрыманняў на акцыях сталых людзей ніколі не было.
14:30. Каля будынку КДБ удзельнікі маршу скандавалі: «Трыбунал» і «Рома наш герой». Марш працягваецца далей.
14:20. Відавочцы паведамляюць пра кропкавыя затрыманні на праспекце Незалежнасці.
14:00. Удзельнікі акцыі рушылі па праспекту Незалежнасці.
У 13:45 на ўваход і выхад зачынілі вестыбюль станцыі метро Плошча Леніна з боку плошчы Незалежнасці. ДАІ перакрыла праспект Незалежнасці ў раёне плошчы Перамогі. Таксама перакрыты ўезд на плошчу Незалежнасці з боку вуліцы Бабруйскай.