Марш мудрасці і акцыя прыхільнікаў Лукашэнкі

Марш мудрасці, 19 кастрычніка. Фота: ТК / «Белсат»

У Менску адначасова на плошчы Незалежнасці прайшлі дзве акцыі: Марш мудрасці і акцыя прыхільнікаў Лукашэнкі.

Удзельнікі Марша мудрасці Менску прайшліся ад Чырвонага касцёлу да плошчы Якуба Коласа. Таксама пенсіянеры выйшлі ў Горадні і Берасці. Вядома прынамсі пра адно затрыманне.

Трэці панядзелак запар на акцыю пратэсту супраць палітыкі Аляксандра Лукашэнкі выходзяць сталыя людзі. Як паведамляе наш карэспандэнт, на Марш мудрасці ў Менску выйшлі каля 2000 чалавек.

Марш мудрасці, 19 кастрычніка. Фота: ТК / «Белсат»
Марш мудрасці, 19 кастрычніка. Фота: ТК / «Белсат»

Сёння аналагічную акцыю абвесцілі і прыхільнікі Лукашэнкі. Яшчэ напярэдадні ў сацыяльных сетках было шмат паведамленняў, што арганізатары шукаюць пераважна ветэранаў сілавікоў, якія гатовыя выйсці на акцыю на знак падтрымання ўладаў.

Акцыя прыхільнікаў палітыкі Аляксандра Лукашэнкі. Фота: ТК / «Белсат»

На маршы сталыя людзі скандуюць «Ганьба!» сілавікам.

Пенсіянеры рухаюцца ў бок плошчы Перамогі. Прыехалі бусы, з якіх кажуць, каб пратэстоўцы не заходзілі на праезджую частку.

Пенсіянеры на плошчы Перамогі
Акцыя прыхільнікаў палітыкі Аляксандра Лукашэнкі. Фота: ТК / «Белсат»

Ніна Багінская таксама выйшла на Маршы мудрасці.

Ніна Багінская на Маршы мудрасці. 19 кастрычніка 2020 г. Фота: ТК / «Белсат»

Людзі скандуюць: «Лукашэнку ў аўтазак!»

Акцыя пратэсту пенсіянераў 12 кастрычніка скончылася тым, што сілавікі ўжылі святлошумавыя гранаты і газ.

Калона Маршу мудрасці сустрэлася з удзельнікамі праўладнага мітынгу на плошчы Перамогі.

Удзельнікі Марша мудрасці сабраліся на пл. Якуба Коласа і спяваюць Купалінку.

Людзі ўсклалі кветкі каля помніку Якубу Коласу і пакрысе разыходзяцца.

Марш мудрасці, 19 кастрычніка. Фота: ТК / «Белсат»

На Маршы мудрасці затрымалі дзяўчыну, якая дапамагала развозіць сталых людзей пасля шэсця.

АА belsat.eu

Hавiны