У Горадні снег ідзе без перапынку ўжо другія содні: цыклон «Ларс» прынёс з сабой у горад гурбы снегу да калена, 10-бальныя коркі і аварыі на дарогах, і разам з тым сапраўдную зімовую казку, якой гарадзенцы ўжо даўно не бачылі.
«Дадалося нам, канешне, працы. Але хоць парадуемся сапраўднай зіме», – пасміхаючыся, кажа «Белсат» супрацоўнік камунальных службаў, які кіруе ачысткай даху на цэнтральнай Савецкай вуліцы.
На вуліцах і дарогах сапраўды шмат камунальнікаў, спецтэхнікі і людзей з рыдлёўкамі, якія прыбіраюць снег. Аднак, прызнаюцца камунальнікі, перамагчы такі сур’ёзны снегапад хутка немагчыма.
За апошнія содні вышыня снегу ў горадзе павялічылася з 9 да 37 см. 28 студзеня сіноптыкі абяцаюць у Горадні дзень без ападкаў, у пятніцу – зноў завеі.
Саша Праўдзіна, belsat