Прадстаўнікі Асацыяцыі беларусаў Італіі 26 ліпеня зладзілі акцыю на плошчы святога Пятра ў Ватыкане.
Беларусы з бел-чырвона-белымі сцягамі прыйшлі падчас малітвы Анёла Гасподняга на плошчу, каб заклікаць Папу Рымскага Францішка паспрыяць малітоўна вырашэнню палітычнага крызісу ў Беларусі.
«Маліцеся за Беларусь», – абвяшчала адна з расцяжак удзельнікаў акцыі.
Раней Асацыяцыя беларусаў у Італіі накіравала калектыўны ліст да Папы Францішка.
«У лісце гаворыцца аб каштоўнасцях хрысціянства, аб унікальнасці кожнага чалавечага жыцця і аб тым, што адбываецца зараз у Беларусі. Мы напісалі, што ў гэты нялёгкі час беларускі народ як ніколі патрабуе падтрымання і салідарнасці», – гаворыць Кацярына.
Беларуская дыяспара ў звароце закранула тэмы каронавірусу ў Беларусі, праблемаў Чырвонага касцёлу, заклікі каталіцкіх святароў не фальсіфікаваць вынікі выбараў.
МГ belsat.eu
