Міністр замежных справаў Уладзімір Макей правёў у фармаце відэаканферэнцыяў перамовы з міністрам замежных спраў Польшчы Яцэкам Чапутовічам і ўпаўнаважаным урадам Польшчы па пытаннях стратэгічнай энергетычнай інфраструктуры Пятром Наімскім, паведамляе прэсавая служба МЗС Беларусі.
Кіраўнікі вонкавапалітычных ведамстваў абмяняліся думкамі пра сітуацыю з каронавірусам, а таксама закранулі ў гэтай сувязі праблематыку гандлёвага транзіту і эканомікі.
Падчас перамоваў з Пятром Наімскім Уладзімір Макей абмеркаваў пытанні дыверсіфікацыі паставак нафты ў Беларусь і магчымую супрацу бакоў у гэтай сферы.
Раней упаўнаважаны польскага ўраду ў справах стратэгічнай энергетычнай інфраструктуры Пётр Наімскі заяўляў, што Польшча зацікаўленая ў транзіце нафты ў Беларусь праз сваю тэрыторыю. Упаўнаважаны казаў, што ў выпадку, калі Беларусь набудзе нафту і яе трэба будзе даставіць на НПЗ, то польскі бок прадставіць сваю транзітную інфраструктуру.
СК belsat.eu