Дзяржаўны сакратар ЗША Майк Пампэа сустрэўся 31 студзеня з міністрам замежных справаў Украіны Вадзімам Прыстайкам.
Майк Пампэа прыбыў у Кіеў 30 студзеня. Раніцай пятніцы ён сустрэўся з кіраўніком украінскага МЗС, паведамляе УНН.
Пасля афіцыйнай сустрэчы прэсу папрасілі пакінуць памяшканне для перамоваў. Падчас сустрэчы планавалася абмеркаваць пытанні далейшага палітычнага ўзаемадзеяння па аднаўленні суверэнітэту і тэрытарыяльнай цэласнасці Украіны, умацавання абараназдольнасці, прасоўванн рэформаў у дзяржаве, развіцця эканамічнай і інвестыцыйнай супрацы.
Таксама сёння адбудзецца сустрэча дзяржсакратара ЗША з прэзідэнтам Украіны Уладзімірам Зяленскім.
1 лютага Майк Пампэа наведае Менск, дзе сустрэнецца з Аляксандрам Лукашэнкам і Уладзімірам Макеем, пасля чаго скіруецца ў Казахстан.
МГ belsat.eu