Міліцыя шукае махляроў, якія праз інтэрнэт выманілі грошы ў 20-цігадовага гарадзенца.
Ён хацеў укласці свае зберажэнні ў крыптавалюту. Прадаўца знайшоў у адной з груп у «Telegram», паведамляе прэс-служба УУС Гарадзенскага аблвыканкаму.
Малады чалавек перавёў Br 1 тыс. на рахунак у банку за набыццё біткоінаў, аднак валюты не дачакаўся.
Неўзабаве гарадзенец другі раз паспрабаваў набыць крыптавалюту, прадаўца зноў жа знайшоў у адной з групаў «Telegram». Гэтым разам ён перавёў Br 790 (каля $ 850 разам з першым пераводам), і зноў нічога не атрымаў.
Па дадзеным факце праваахоўнікі правялі праверку, якая пацвердзіла склад злачынства – махлярства. Цяпер міліцыянты ўсталёўваюць асобы парушальнікаў.
Праваахоўнікі раяць пры ўдзеле ў абмене крыптвалютаў вывучыць механізмы правядзення блокчэйн-транзакцый, забеспячэнне бяспекі пры такіх транзакцыях, выбіраць правераных контрагентаў, і ў любой сітуацыі не губляць пільнасць.
НМ, belsat.eu