Мадура пераабраны на пасаду прэзідэнта Венесуэлы


Мадура (у цэнтры) разам з прыхільнікамі святкуе перамогу

Прэзідэнт Венесуэлы Нікаляс Мадура пераабраны на пасаду кіраўніка дзяржавы.

Пра гэта паведаміў Нацыянальная выбарчая рада краіны.

Галасаванне прайшло на фоне байкоту з боку апазіцыі і паведамленняў пра масавыя парушэнні.

У агульная складанасці Мадура атрымаў больш за 5,8 млн галасоў (Каля 68 %). Ягоны супернік, апазіцыйны кандыдат Энры Фалькон набраў 1,8 млн галасоў.

Апошні ўжо заявіў, што не прызнае вынікі і мяркуе, што ў Венесуэле павінныя прайсці новыя выбары.

Галасаванне павіннае было адбыцца ў снежні 2018 года, але Нацыянальны ўстаноўчы сход, які складаецца пераважна з прыхільнікаў Мадура, перанёс дату выбараў.

Апазіцыйная кааліцыя «Блок дэмакратычнага адзінства», якая кантралюе парламент Венесуэлы, у цяперашні час падзеленая, там лічаць, што выбары перанеслі, каб скарыстацца рознагалоссямі.

Двум галоўным кандыдатам ад кааліцыі яе кіраўніцтва не дазволіла вылучацца, астатнія палітыкі, якія маглі ўзяць удзел у выбарах, з’ехалі з краіны.

Адна з прычынаў байкоту выбараў апазіцыяй – гэта вынікі выбараў органаў мясцовага самакіравання ў мінулым годзе. Партыя Мадура перамагла ў 17 з 23 штатаў, і яго праціўнікі загаварылі пра падман.

Фалькон, які, нягледзячы на ​​байкот з боку апазіцыі, усё ж вырашыў прыняць удзел у выбарах, заяўляў, што толькі такім чынам можна прымусіць Мадура сысці.

Іншыя прадстаўнікі апазіцыі, зрэшты, не занадта задаволеныя пазіцыяй Фалькона, некаторыя нават назвалі яго здраднікам.

Незадаволены пазіцыяй кандыдата і Нікаляс Мадура, які на выступе перад сваймі прыхільнікамі ў Каракасе пасля абвяшчэння вынікаў заявіў:

«Такога ніколі не бачылі, каб кандыдат не прызнаваў вынікі да моманту, калі іх абвясцілі. Трэба паважаць народ Венесуэлы», – заявіў ён.

НМ, belsat.eu, паводле BBC Russian, фотаздымак Carlos Garcia Rawlins/ Forum

Глядзі таксама
Каментары